അമലപോളിനൊപ്പം പൂര്‍ണ്ണിമ ആ മനോഹര നിമിഷങ്ങളിതാ

ഇന്ദ്രജിത്തുമായുളള വിവാഹത്തോടെ അഭിനയത്തില്‍നിന്നും വിട്ടുനില്‍ക്കുകയാണ് പൂര്‍ണിമ ഇന്ദ്രജിത്ത്. ഇന്ന് അറിയപ്പെടുന്ന ഒരു ഫാഷന്‍ ഡിസൈനറാണ് പൂര്‍ണിമ. കുടുംബ ജീവിതത്തിനൊപ്പം തന്റെ പാഷനെയും ഒരുമിച്ച് കൊണ്ടുപോവുകയാണ് താരം. സോഷ്യല്‍ മീഡിയയിലും വളരെ ആക്ടീവാണ് പൂര്‍ണിമ. മുംബൈയില്‍ ഇന്ദ്രജിത്തിനൊപ്പം എത്തിയപ്പോഴുളള അനുഭവങ്ങള്‍ ചേര്‍ത്തുവച്ചുളള വീഡിയോ ഷെയര്‍ ചെയ്തിരിക്കുകയാണ് പൂര്‍ണിമ.

പൂര്‍ണിമയുടെ മുംബൈ ഡയറീസില്‍ ശ്രദ്ധേയമായത് അമല പോളിന്റെ സാന്നിധ്യമായിരുന്നു. പൂര്‍ണിമയ്‌ക്കൊപ്പം സന്തോഷ നിമിഷം ആസ്വദിക്കുന്ന അമല പോളിനെയാണ് വീഡിയോയില്‍ കാണാനാവുക. മലയാള സിനിമയിലൂടെ അഭിനയ രംഗത്തേക്ക് എത്തിയ അമല പോള്‍ ഇപ്പോള്‍ തമിഴ്, തെലുങ്ക് സിനിമകളിലാണ് തിളങ്ങുന്നത്.

സിനിമാ താരം, ടെലിവിഷന്‍ അവതാരക എന്നീ നിലകളില്‍ നിന്നും സംരംഭകയായി മാറിയ വ്യക്തിയാണ് പൂര്‍ണിമ ഇന്ദ്രജിത്ത്. 2013ല്‍ പൂര്‍ണിമ സ്ഥാപിച്ച ‘പ്രാണ’ എന്ന സ്ഥാപനം കുറഞ്ഞ നാള്‍കൊണ്ടുതന്നെ ശ്രദ്ധിക്കപ്പെട്ടിരുന്നു. സ്വയം അണിയുന്ന വസ്ത്രങ്ങളിലും ഹെയര്‍ സ്‌റ്റൈലിലുമെല്ലാം പൂര്‍ണിമ തന്റേതായൊരു സ്റ്റെല്‍ കൊണ്ടുവരാന്‍ ശ്രമിക്കാറുണ്ട്. അതുകൊണ്ട് തന്നെ ഫാഷന്‍ പ്രേമികള്‍ പലപ്പോഴും ഏറെ കൗതുകത്തോടെയാണ് പൂര്‍ണിമയുടെ ചിത്രങ്ങള്‍ക്കായി കാത്തിരിക്കുന്നത്.FC

About Post Author

Film Court

See author's posts