അഹാനയെ കടത്തി വെട്ടും അനിയത്തി ഇഷാനി… നടിമാര്‍ക്ക് കടല്‍ക്കര ഫോട്ടോയാണ് പ്രിയം

‘

സോഷ്യല്‍ മീഡിയയില്‍ വളരെ പെട്ടെന്ന് തന്നെ ഒരുപാട് ആരാധകരെ ഉണ്ടാക്കിയ താരമാണ് നടി ഇഷാനി കൃഷ്ണ. നടനും രാഷ്ട്രീയ പ്രവര്‍ത്തകനുമായ കൃഷ്ണ കുമാറിന്റെ മൂന്നാമത്തെ മകളാണ് ഇഷാനി. ചേച്ചി അഹാന കൃഷ്ണയെ പോലെ തന്നെ സിനിമയില്‍ തന്നെ എത്തി കഴിഞ്ഞിട്ടുണ്ട് ഇഷാനിയും. ഇഷാനി മമ്മൂട്ടി നായകനായ വണ്‍ എന്ന സിനിമയില്‍ ഒരു പ്രധാനപ്പെട്ട റോളില്‍ അഭിനയിച്ചിട്ടുണ്ട്.

അതിന് മുമ്പ് തന്നെ മലയാളികള്‍ക്ക് സുപരിചിതമായ മുഖമാണ് ഇഷാനിയുടേത്. ചേച്ചിമാര്‍ക്കും അനിയത്തിക്കും അച്ഛനും അമ്മയ്ക്കും ഒപ്പമൊക്കെ ടിക് ടോക് ചെയ്താണ് ഇഷാനിയെ മലയാളികള്‍ക്ക് സുപരിചിതമാകുന്നത്. മിക്ക വീഡിയോസും സമൂഹ മാധ്യമങ്ങളില്‍ വൈറലുമായിരുന്നു. പിന്നീട് യൂട്യൂബില്‍ സ്വന്തമായി ചാനല്‍ തുടങ്ങി വീഡിയോ ഇടാനും തുടങ്ങിയിരുന്നു ഇഷാനി.

9 ലക്ഷത്തില്‍ അധികം ആരാധകരാണ് ഇന്‍സ്റ്റാഗ്രാമില്‍ ഇഷാനിയ്ക്ക് ഉളളത്. കുറച്ച് മാസങ്ങള്‍ക്ക് മുമ്പ് ഇഷാനി തന്റെ ശരീരഭാരം കൂട്ടിയതിന്റെ ഒരു വീഡിയോ യൂട്യൂബില്‍ പങ്കുവെച്ചിരുന്നു. അന്ന് അത് സോഷ്യല്‍ മീഡിയയില്‍ എമ്പാടും വൈറലായിരുന്നു. അതുപോലെ കൂട്ടുകാരികള്‍ക്ക് ഒപ്പം വര്‍ക്കലയില്‍ കറങ്ങാന്‍ പോയ വീഡിയോയും ശ്രദ്ധനേടിയിരുന്നു.

ഇപ്പോഴിതാ ഇഷാനിയും കൂട്ടുകാരികളും വീണ്ടും ഒരു ചെറിയ ട്രിപ്പ് പോയിരിക്കുകയാണ്. കടല്‍ തീരത്ത് ഒരു സ്വപ്നസുന്ദരിയെ പോലെ സൂര്യാസ്തമയം കണ്ടുകൊണ്ടിരിക്കുന്ന ഇഷാനിയുടെ ചിത്രങ്ങള്‍ ഇതിനോടകം തന്നെ ആരാധകരുടെ മനസ്സ് കീഴടക്കിയിട്ടുണ്ട്. കറുപ്പും ഷോര്‍ട്ട് ടോപ്പും നീല ജീന്‍സും ധരിച്ച് പൊളി ലുക്കിലാണ് ഇഷാനിയെ ചിത്രങ്ങളില്‍ കാണാന്‍ സാധിക്കുന്നത്.FC

About Post Author

Film Court

See author's posts