തകര്‍ന്നത് ഒന്നല്ല പല തവണ എല്ലാം നഷ്ടപ്പെട്ടു, നടി ഉര്‍ഫിയുടെ അവസ്ഥ.. മരണമാണ് മുന്നില്‍…..

സ്വയം പരാജയപെടുകയില്ല എന്നാല്‍ പരാജയപ്പെടുത്താന്‍ പലരും ശ്രമിക്കും അത്തരമൊരു അവസ്ഥയാണ് ബോളിവുഡ് നടി ഉര്‍ഫി ജാവേദിന്റേത്, തന്റെ ഭൂതകാലത്തെക്കുറിച്ചാണ് ഉര്‍ഫി കുറിപ്പില്‍ സംസാരിക്കുന്നത്. ഹൃദയഭേദകമായ കുറിപ്പില്‍ താന്‍ ജീവന്‍ അവസാനിപ്പിക്കാന്‍ തീരുമാനിച്ചിരുന്നുവെന്നും ഉര്‍ഫി വെളിപ്പെടുത്തുന്നുണ്ട്.

സിനിമാ ലോകത്ത് വളരെയധികം കഷ്ടപ്പാടുകള്‍ തുടക്കത്തില്‍ ഉര്‍ഫി അനുഭവിക്കേണ്ടി വന്നിട്ടുണ്ട്. എന്നാല്‍ തന്റെ കഠിനാധ്വാനത്തിലൂടെ താരം സ്വന്തമായൊരു ഇടം നേടിയെടുക്കുകയായിരുന്നു. ഉടനെ തന്നെ വലിയൊരു ബോളിവുഡ് ചിത്രത്തിലും ഉര്‍ഫിയെ കാണാന്‍ സാധിക്കുമെന്നാണ് റിപ്പോര്‍ട്ടുകള്‍ പറയുന്നത്. അവരുടെ കുറിപ്പിങ്ങനെ ഞാന്‍ എത്ര തവണ പരാജയപ്പെട്ടിട്ടുണ്ടെന്ന് നിങ്ങള്‍ക്കറിയുമോ? എനിക്കത് എണ്ണാന്‍ പോലും സാധിക്കുന്നില്ല ഇപ്പോള്‍! രക്ഷപ്പെടാനുള്ള വഴി ജീവന്‍ അവസാനിപ്പിക്കുക മാത്രമാണെന്ന് എനിക്ക് തോന്നിയിട്ടുണ്ട്. എന്റെ ജീവിതം ശരിക്കും പ്രശ്‌നഭരിതമായിരുന്നു. കരിയര്‍ പരാജയപ്പെട്ടു, റിലേഷന്‍ഷിപ്പുകള്‍ പരാജയപ്പെട്ടു, പണമില്ല. ജീവിച്ചിരിക്കാന്‍ യോഗ്യതയില്ലാത്തൊരു പരാജയമാണ് ഞാനെന്ന് തോന്നി.

ഇന്നും എനിക്ക് ഒരുപാട് പണമില്ല, സക്‌സസ്ഫുള്‍ ആയൊരു കരിയറില്ല, ഞാന്‍ സിംഗിളാണ്. പക്ഷേ എനിക്ക് പ്രതീക്ഷയുണ്ട്. ഇന്ന് ഞാന്‍ ജീവിച്ചിരിക്കാന്‍ ഒരേയൊരു കാരണം (എന്റെ ജീവിതത്തില്‍ പലപ്പോഴായി മരിക്കാന്‍ തോന്നിയ ഒരുപാട് ഘട്ടങ്ങളുണ്ടായിട്ടുണ്ട്) ഞാന്‍ നില്‍ക്കാന്‍ തയ്യാറായില്ല എന്നതാണ്. ഞാന്‍ നടത്തം തുടര്‍ന്നു, ഇന്നും നടക്കുകയാണ്. എത്തേണ്ടയിടത്തായിരിക്കില്ല പക്ഷെ ഞാന്‍ ആ വഴിയിലാണ്. ഈ വര്‍ഷം അവസാനിക്കും മുമ്പ് ചെറിയൊരു പ്രചോദനം. എഴുന്നേല്‍ക്കു, പോരാടൂ, ആവര്‍ത്തിക്കൂ. നിങ്ങള്‍ക്ക് ചുറ്റുമുള്ള സാഹചര്യങ്ങളേക്കാള്‍ ശക്തി നിങ്ങള്‍ക്കുണ്ട്” എല്ലാ സന്തോഷങ്ങളും വന്നുചേരും കാത്തിരിക്കുക FC

About Post Author

Film Court

See author's posts