നടന് ധനുഷ് പണി തിരിച്ചു കൊടുത്തു.. അച്ഛനമ്മമാരാണെന്ന് പറഞ്ഞവര്ക്കെതിരെ 10 കോടിയുടെ മാനനഷ്ട്ട കേസ്…
വല്ലാതെ ബുദ്ധിമുട്ടിച്ചിരുന്നു ഏതോ പാവം പിടിച്ചൊരു അച്ഛനും അമ്മയുമാണ് പക്ഷെ കരുത്തരായവരുടെ പിന്തുണയോടെയാണ് അവര് നടന് ധനുഷിനെതിരെ വന്നത്, അവരുടെ വരവ് തീര്ന്നപ്പോള് ധനുഷ് തുടങ്ങി അവര്ക്കെതിരെ മാനനഷ്ട കേസുകൊടുത്തുകൊണ്ട് സത്യമറിയണമല്ലോ, ആരായിരുന്നു പിന്നില്ലെന്ന് വ്യക്തമാകണമല്ലോ…
തന്റെ മാതാപിതാക്കളാണെന്ന അവകാശവാദവുമായെത്തിയ മധുര സ്വദേശികളായ ദമ്പതിമാര്ക്ക് നഷ്ടപരിഹാരം ആവശ്യപ്പെട്ട് വക്കീല് നോട്ടീസ് അയച്ച് നടന് ധനുഷ്. 10 കോടി രൂപയാണ് നോട്ടീസില് ആവശ്യപ്പെട്ടിരിക്കുന്നത്. ധനുഷിന്റെയും പിതാവ് കസ്തൂരിരാജയുടേയും അഭിഭാഷകന് അഡ്വ. എസ്. ഹാജ മൊയ്ദീന് ആണ് നോട്ടീസയച്ചത്. ധനുഷിനെതിരെ തെറ്റായ അവകാശവാദങ്ങള് ഉന്നയിക്കുന്നതില് നിന്ന് വിട്ടുനില്ക്കാനും പരസ്യമായി മാപ്പ് പറയാനും ദമ്പതിമാരോട് നോട്ടീസില് ആവശ്യപ്പെട്ടിട്ടുണ്ട്. വ്യാജ പരാതി പിന്വലിച്ചില്ലെങ്കില് നടന്റെ പ്രശസ്തി നശിപ്പിച്ചതിന് ദമ്പതിമാര് 10 കോടി രൂപയുടെ മാനനഷ്ടക്കേസ് നേരിടേണ്ടിവരുമെന്ന് വക്കീല് നോട്ടീസില് മുന്നറിയിപ്പ് നല്കുന്നു. തങ്ങളുടെ ആരോപണങ്ങളെല്ലാം അടിസ്ഥാനരഹിതമാണെന്നും ഇത്തരം ആരോപണങ്ങള് ഉന്നയിച്ചതിന് മാപ്പ് പറയണമെന്നും ദമ്പതിമാര് പത്രക്കുറിപ്പ് ഇറക്കണമെന്നും ധനുഷും പിതാവും നേരത്തേ ആവശ്യപ്പെട്ടിരുന്നു. മധുരയിലെ സര്ക്കാര് ആശുപത്രിയില് ജനിച്ച തങ്ങളുടെ മൂന്ന് മക്കളില് ഒരാളാണ് ധനുഷ് എന്ന് അവകാശപ്പെട്ടിട്ടായിരുന്നു റിട്ടയേര്ഡ് സര്ക്കാര് ബസ് കണ്ടക്ടറായ കതിരേശനും ഭാര്യ മീനാക്ഷിയും മദ്രാസ് ഹൈക്കോടതിയുടെ മധുര ബെഞ്ചിനെ സമീപിച്ചത്. തങ്ങളുടെ ദൈനംദിന ചെലവുകള്ക്ക് പണം നല്കാന് താരം വിസമ്മതിക്കുകയാണെന്ന് അവര് അവകാശപ്പെട്ടു.
നിരവധി തവണ ശ്രമിച്ചിട്ടും ധനുഷ് തങ്ങളെ കാണാന് തയ്യാറായില്ലെന്നും പ്രതിമാസ മെഡിക്കല് ബില്ലായ 65,000 രൂപ ധനുഷില് നിന്ന് ലഭ്യമാക്കാന് കോടതിയുടെ ഇടപെടല് വേണമെന്നുമാണ് അവര് കോടതിയില് നല്കിയ പ്രാഥമിക അപേക്ഷയില് പറഞ്ഞിരിക്കുന്നത്. ഹൈക്കോടതിയുടെ മധുര ബെഞ്ച് സമന്സ് അയച്ചതിനെ തുടര്ന്നാണ് നടപടികള് സ്റ്റേ ചെയ്യണമെന്ന് ആവശ്യപ്പെട്ട് ധനുഷ് മദ്രാസ് ഹൈക്കോടതിയില് ഹര്ജി നല്കിയത്. ധനുഷിന്റെ ഐഡന്റിറ്റി മാര്ക്ക് മെഡിക്കല് വെരിഫിക്കേഷനും ജനന സര്ട്ടിഫിക്കറ്റും ഹാജരാക്കിയതിനെ തുടര്ന്ന് ഏപ്രില് 22 ന് കേസ് കോടതി റദ്ദാക്കിയിരുന്നു.FC