സംവിധായകന്‍ ജോഷി മകന്‍ ഗോകുലിനോട് പെരുമാറിയത്… സുരേഷ് ഗോപി തുറന്നു പറയുന്നു……
അച്ഛനും മകനും അഭിനയിക്കുന്ന സിനിമയാണ് പാപ്പന്‍, സംവിധാനം ജോഷി ചിത്രീകരണസമയത്തെ അനുഭവം സിനിമയുടെ ഭാഗമായി പ്രമോയില്‍ സിനിമയിലെയും ജീവിതത്തിലെയും വളര്‍ച്ചയെക്കുറിച്ച് പറയുമ്പോള്‍ പ്രഥമസ്ഥാനത്ത് പ്രതിപാദിക്കപ്പെടേണ്ട നാമമാണ് ജോഷി.
ജോഷിയേട്ടന്‍ കൊല്ലത്ത് എസ്എന്‍ കോളജില്‍ പഠിക്കുന്ന സമയത്ത്, ജോഷിയേട്ടന്റെ ചേട്ടന്റെ സുഹൃത്താണ് എന്റെ അച്ഛന്‍. ജോഷിയേട്ടന്റെ ലോക്കല്‍ ഗാര്‍ഡിയന്‍ എന്റെ അച്ഛനായിരുന്നു. ജോഷിയേട്ടന്റെ ചേട്ടന്‍ പല കാര്യങ്ങളും വിളിച്ചു ചോദിക്കുമ്പോള്‍ ഒരു ചാരനെ പോലെ പിന്നാലെ നടന്നിരുന്ന ആളായിരുന്നു എന്റെ അച്ഛന്‍. അന്നു തുടങ്ങിയ ബന്ധമാണ്.
സിനിമയില്‍ എത്തിയപ്പോള്‍ എന്റെ ഗാര്‍ഡിയന്‍ എന്നു പറയുന്ന സ്ഥാനം അലങ്കരിക്കാന്‍ സര്‍വധാ യോഗ്യന്‍ ജോഷിയേട്ടനാണ്. രാജാവിന്റെ മകനില്‍ ക്ലൈമാക്‌സിനു തൊട്ടു മുമ്പുള്ള എന്റെ സീന്‍സ് എല്ലാം ഷൂട്ട് ചെയ്തത് ജോഷിയേട്ടനാണ്. അന്ന് ജയനും വിന്‍സന്റും ഒപ്പമുണ്ടായിരുന്നു. 1992ല്‍ എന്റെ ജീവിതത്തിലെ ഏറ്റവും മോശപ്പെട്ട അവസ്ഥയില്‍ ധ്രുവം എന്ന ചിത്രത്തില്‍ ജോസ് നരിമാന്‍ എന്ന കഥാപാത്രത്തെ എന്നെക്കൊണ്ട് അവതരിപ്പിച്ചത് ജോഷിയാണ്. ആ അവതരണം കണ്ടിട്ടാണ് സത്യത്തില്‍ എനിക്ക് ഏകലവ്യന്‍ എന്ന സിനിമ എനിക്ക് ഷാജി കൈലാസും രണ്‍ജി പണിക്കരും എന്നെ വച്ചു ചെയ്യാന്‍ തീരുമാനിക്കുന്നത്. എന്റെ കരിയറിലെ പല ഘട്ടങ്ങളിലും ശക്തമായി നിലയുറപ്പിക്കാന്‍ ഒരു തലതൊട്ടപ്പനായി എന്റെ തൊട്ടു മുകളില്‍ അനുഗ്രഹം ഓതിക്കൊണ്ട് അദ്ദേഹം നിന്നിട്ടുണ്ട്.
ഒരു നീണ്ട ഇടവേളയ്ക്കു ശേഷം റിലീസ് ആയ വരനെ ആവശ്യമുണ്ട്, കാവല്‍… അതിനു ശേഷം വരുന്ന പാപ്പന്‍… ഒരു പുതിയ നടനെ അവതരിപ്പിക്കുന്ന അത്രയും ഉത്തരവാദിത്തത്തോടെ ജോഷിയേട്ടന്‍ എന്നെ അവതരിപ്പിക്കുകയാണ് എന്നാണ് ഞാനീ വേദിയില്‍ നിന്ന് അവകാശപ്പെടുന്നത്. ഈ സിനിമയുടെ കഥ കേള്‍ക്കുമ്പോള്‍ എന്റെ കാതിലേക്ക് മുഴങ്ങിയ ഒരുപാട് ഉപദേശങ്ങളുണ്ടായിരുന്നു. ആ ഉപദേശങ്ങള്‍ മുഴുവന്‍ അന്ന് ഹൃദയത്തില്‍ പതിപ്പിച്ചതിന്റെ ഒരു പ്രതിഫലനം പാപ്പന്‍ എന്ന സിനിമയില്‍ എബ്രഹാം മാത്യു മാത്തന്‍ എന്ന കഥാപാത്രത്തിലൂടെ നിങ്ങള്‍ക്ക് കാണുവാന്‍ സാധിക്കും.
ഈ സിനിമയുടെ വിജയത്തിനു ശേഷം നിങ്ങള്‍ക്കു മുമ്പില്‍ വീണ്ടും ഞാന്‍ വരും. അന്ന് അദ്ദേഹം എന്നോട് എന്താണ് പറഞ്ഞത്, അത് ഏതു തരത്തിലാണ് ഒരു നടനെന്ന നിലയില്‍ എന്നെ സ്വാധീനിച്ചത്, ഞാനീ സമര്‍പ്പണം ആര്‍ക്കാണ് നടത്തുന്നത് എന്നതൊക്കെ ആ നിമിഷത്തില്‍ പറയാം. അതിനു വേണ്ടി ഞാന്‍ കാത്തിരിക്കുന്നു. അങ്ങനെയൊരു അനുഗ്രഹീത മുഹൂര്‍ത്തമുണ്ടാകട്ടെ! പരിപാടിക്കിടെ സുരേഷ് ഗോപി പറയുന്നത്.
ജോഷിയേട്ടന്‍ എന്റെ മകനോട് സെറ്റില്‍ പെരുമാറുന്നത് കണ്ടിട്ട് എനിക്ക് അസൂയ തോന്നിയിട്ടുണ്ട്. ഞാനൊക്കെ അദ്ദേഹത്തിന്റെ സിനിമയില്‍ അഭിനയിക്കുമ്പോള്‍ ചീത്ത പറഞ്ഞ് ഇല്ലാതാക്കി ഞാന്‍ സെറ്റില്‍ നിന്നു വരെ ഇറങ്ങി ഓടിയിട്ടുണ്ട്. ഡല്‍ഹിയില്‍ വച്ചായിരുന്നു അത്. ഡയലോഗ് മുറിഞ്ഞു പോകുന്നതിനും കൂടുതല്‍ ടേക്ക് ആകുന്നതിനുമൊക്കെയായിരുന്നു ചീത്ത കേട്ടിരുന്നത്. പക്ഷേ, ആ ഒരു ശാഠ്യക്കാരനെ ഞാന്‍ ഗോകുലിന് മുമ്പില്‍ കണ്ടില്ല. ഈ സിനിമയില്‍ പലരുടെയും മുമ്പില്‍ കണ്ടില്ല. എന്നും സുരേഷ് ഗോപി പറയുന്നു. FC
About Post Author
അഭിരാമിയുടെ മുറിവുണങ്ങുന്നു.. മിക്‌സി പൊട്ടിത്തെറിച്ച് പറ്റിയ അപകടത്തില്‍ അഞ്ചുവിരലുകള്‍ തകര്‍ന്നു… 
പത്താം ക്ലാസ്സ് പരീക്ഷക്ക് തയ്യാറെടുക്കുന്ന നടന്‍ ഇന്ദ്രന്‍സിന് പെട്ടെന്നത് പറ്റില്ല ആദ്യം ഏഴ് പാസ്സാവണം… 
നടന്‍ പ്രഭുവിന്റെ മകള്‍ ഐശ്വര്യക്കിത് രണ്ടാം വിവാഹം.. അതും സിനിമയില്‍ നിന്ന്.. ആദ്യ ഭര്‍ത്താവിനെ വിട്ടാണ് … 
എന്നും പല്ലില്ലാത്ത മോണകാട്ടി ചിരിച്ചു.. ആ പല്ലുകള്‍ ഇല്ലാതായത് 35ാം മത്തെ വയസ്സില്‍.. പിന്നെ വെച്ചില്ല… 
ഈ സൗഹൃദം അന്നും ഇന്നും ഭദ്രം.. സംയുക്ത വർമ്മയെ ഒപ്പം നിർത്തി മഞ്ജു വാര്യർ പറയുന്നു.. ബിജുമേനോൻ…