നടി ലെന ജനുവരി 17 ന് വിവാഹിതയായി ഒന്നരമാസം എല്ലാവരില് നിന്നും ഒളിച്ചു വെച്ചു, അത് ഇതിനായിരുന്നു…
ഗഗന്യാന് പ്രഖ്യാപിച്ചതിന്റെ അഭിമാനത്തില് മലയാളികള് നില്ക്കുമ്പോഴതാ അടുത്ത പ്രഖ്യാപനം തന്റെ വിവാഹം കഴിഞ്ഞുവെന്ന് പറഞ്ഞു നടി ലെന. പ്രധാനമന്ത്രി നരേന്ദ്രമോദി പ്രഖ്യാപിച്ച ഗഗന്യാന് ബഹിരാകാശയാത്രിക സംഘത്തിലെ എയര്ഫോഴ്സ് ഗ്രൂപ്പ് ക്യാപ്റ്റന് പ്രശാന്ത് ബാലകൃഷ്ണന് നായര് ആണ് വരന്. ഈ വര്ഷം ജനുവരി 17ന് താനും പ്രശാന്ത് ബാലകൃഷ്ണനും വിവാഹിതരായെന്നും പ്രധാനമന്ത്രി ബഹിരാകാശ യാത്രികരെ പ്രഖ്യാപിച്ചതിന് ശേഷം ഈ വിവരം പുറത്തറിയിക്കാന് കാത്തിരിക്കുകയായിരുന്നെന്നും ലെന അറിയിച്ചു. സോഷ്യല് മീഡിയയിലൂടെയാണ് താരം വിവരം പുറത്തുവിട്ടത്.
ലെന പങ്കുവെച്ചതിങ്ങനെ ഇന്ന്, 2024 ഫെബ്രുവരി 27 ന്, നമ്മുടെ പ്രധാനമന്ത്രി, മോദി ജി, ഇന്ത്യന് എയര്ഫോഴ്സ് ഫൈറ്റര് പൈലറ്റ്, ഗ്രൂപ്പ് ക്യാപ്റ്റന് പ്രശാന്ത് ബാലകൃഷ്ണന് നായര്ക്ക് ആദ്യത്തെ ഇന്ത്യന് ബഹിരാകാശയാത്രിക വിംഗുകള് സമ്മാനിച്ചു. ഇത് നമ്മുടെ രാജ്യത്തിനും നമ്മുടെ കേരളത്തിനും വ്യക്തിപരമായി എനിക്കും അഭിമാനത്തിന്റെ ചരിത്ര നിമിഷമാണ്. ഔദ്യോഗികമായി ആവശ്യപ്പെടുന്ന രഹസ്യസ്വഭാവം കാത്തുസൂക്ഷിക്കുന്നതിനായി, 2024 ജനുവരി 17ന് ഞാന് പ്രശാന്തിനെ ഒരു പരമ്പരാഗത ചടങ്ങില് അറേഞ്ച്ഡ് മാര്യേജിലൂടെ വിവാഹം കഴിച്ചുവെന്ന് നിങ്ങളെ അറിയിക്കാന് ഞാന് ഈ അറിയിപ്പിനായി കാത്തിരിക്കുകയായിരുന്നു.
രാജ്യത്തിന്റെ അഭിമാന ബഹിരാകാശ പദ്ധതിയായ ഗഗന്യാന് വേണ്ടിയിലുള്ള ബഹിരാകാശ സഞ്ചാരികളുടെ പേര് ചൊവ്വാഴ്ചയാണ് പ്രധാനമന്ത്രി നരേന്ദ്രമോദി പ്രഖ്യാപിച്ചത്. മലയാളിയായ ബഹിരാകാശ യാത്രികനുള്പ്പെടെ നാലുപേരാണ് ഗഗന്യാന് ദൗത്യത്തിനായി തിരഞ്ഞെടുക്കപ്പെട്ടത്. മലയാളിയായ ഗ്രൂപ്പ് കാപ്റ്റന് പ്രശാന്ത് ബാലകൃഷ്ണന് നായര്, ഗ്രൂപ്പ് കാപ്റ്റന് അജിത് കൃഷ്ണന്, ഗ്രൂപ്പ് കാപ്റ്റന് അംഗദ് പ്രതാപ്, വിങ് കമാന്റര് ശുബാന്ഷു ശുക്ല എന്നിവരാണ് ആ നാലുപേര്. 2021ലാണ് റഷ്യയില് നിന്നുള്ള ഒരു വര്ഷത്തെ പരിശീലന പരിപാടി തിരഞ്ഞെടുക്കപ്പെട്ട നാലുപേരും പൂര്ത്തിയാക്കിയത്. റഷ്യയുടെ റോസ്കോസ്മോസ് ബഹിരാകാശ ഏജന്സിയുടെ കീഴിലുള്ള ഗഗാറിന് കോസ്മോനോട്ട് ട്രെയിനിങ് സെന്ററിലായിരുന്നു പരിശീലനം. പാലക്കാട് നെന്മാറ പഴയ ഗ്രാമം സ്വദേശിയാണ് പ്രശാന്ത് ബാലകൃഷ്ണന് നായര് .FC