ഭര്ത്താവിനെ ഒഴിവാക്കി അതിനിടയില് കാമുകന് സ്വന്തമാക്കിയ അമലാപോളിനെ ആയാളും ചതിച്ചു…..
പണം തട്ടിയെടുക്കാന് ശ്രമിച്ചെന്ന നടി അമല പോളിന്റെ പരാതിയില് മുന് കാമുകന് ഭവ്നിന്ദര് സിങ് അറസ്റ്റില്. തന്നെ വഞ്ചിച്ചെന്നും ഭീഷണിപ്പെടുത്തിയെന്നും ചൂണ്ടിക്കാണിച്ച് വില്ലുപുരം ജില്ലാ ക്രൈം ബ്രാഞ്ച് പൊലീസിനാണ് അമല പോള് പരാതി നല്കിയത്. പണം തട്ടിയെടുക്കാന് ശ്രമിച്ചെന്നും സാമ്പത്തികമായും മാനസികമായും ജീവിതത്തില് ബുദ്ധിമുട്ട് ഉണ്ടായെന്നും നടി പരാതിയില് ആരോപിക്കുന്നു.
2020 നവംബറില് ഗായകന് കൂടിയായ ഭവ്നിന്ദറിനെതിരെ നടി ചെന്നൈ ഹൈക്കോടതിയില് മാനനഷ്ട കേസ് ഫയല് ചെയ്തിരുന്നു. 2018 ല് സ്വകാര്യമായി നടത്തിയ ഫോട്ടോഷൂട്ടിന്റെ ചിത്രങ്ങള് വിവാഹം കഴിഞ്ഞെന്ന രീതിയില് തെറ്റായി പ്രചരിപ്പിച്ചെന്നും മാനസിമായി പീഡിപ്പിച്ചെന്നുമായിരുന്നു പരാതി. അതില് ഭവ്നിന്ദറിനെതിരെ കേസെടുക്കാന് കോടതി നിര്ദേശിച്ചെന്നും റിപ്പോര്ട്ടുണ്ട്. അമല പോളും ഭവ്നിന്ദറും സിനിമാ ബിസിനസുമായി ബന്ധപ്പെട്ട ഒരു സ്ഥാപനം നടത്തിയിരുന്നു.
എന്നാല് തന്റെ ഫണ്ടുകളും സ്വത്തുക്കളും ദുരുപയോഗം ചെയ്തതിലൂടെ ഭവ്നിന്ദര് തന്നെ മാനസികവും സാമ്പത്തികവുമായി സമ്മര്ദ്ദത്തിലാക്കിയെന്ന് അമല പോള് പറയുന്നു. ഫോട്ടോഷൂട്ടിനെടുത്ത ചിത്രങ്ങള് പ്രചരിപ്പിച്ച്, തന്റെ അനുമതി ഇല്ലാതെ തെറ്റിദ്ധാരണ സൃഷ്ടിക്കാന് ബോധപൂര്വം ശ്രമം നടത്തി എന്നും നടി ആരോപിച്ചു.
2020 മാര്ച്ചിലാണ് പരമ്പരാഗത രാജസ്ഥാനി വധൂവരന്മാരുടെ വേഷത്തില് ഇരുവരും നില്ക്കുന്ന ചിത്രം ഭവ്നിന്ദര് സോഷ്യല് മീഡിയയില് പങ്കുവയ്ക്കുന്നത്. അമല വിവാഹിതയായെന്ന വാര്ത്ത പരന്നതോടെ അവ ഫോട്ടോഷൂട്ടിന് എടുത്ത ചിത്രങ്ങളാണെന്ന് നടി വ്യക്തമാക്കി. തൊട്ടുപിന്നാലെ ഭവ്നിന്ദര് അവ നീക്കം ചെയ്തു. ചിത്രങ്ങള് പിന്വലിച്ചെങ്കിലും വിവാഹചിത്രമെന്ന തരത്തില് നിരവധി പേരാണ് അത് ഷെയര് ചെയ്തത്.
നാലു വര്ഷത്തെ പ്രണയത്തിനു ശേഷം 2014 ല് സംവിധായകന് എ.എല്. വിജയ്യെ വിവാഹം കഴിച്ച അമല 2017ല് വിവാഹമോചനം നേടി. അതിനു ശേഷമാണ് ഭവ്നിന്ദറെ പരിചപ്പെടുന്നതും പ്രണയത്തിലാകുന്നതും. കഡാവര് ആണ് അമല പോളിന്റേതായി അവസാനം റിലീസ് ചെയ്ത സിനിമ. ചിത്രം ഹോട്ട്സ്റ്റാറിലൂടെയാണ് പ്രദര്ശനത്തിനെത്തിയത്. മമ്മൂട്ടി ചിത്രം ക്രിസ്റ്റഫര്, പൃഥ്വിരാജിന്റെ ആടു ജീവിതം എന്നിവയാണ് നടിയുടെ പുതിയ പ്രോജക്ടുകള്. FC