നടി കാസമ്മാള് മകന്റെ അടിയേറ്റ് തല്ക്ഷണം മരിച്ചു.. വിജയ് സേതുപതിയുടെ ഹിറ്റ് ചിത്രത്തിലെ നടിയുടെ മരണം ഞെട്ടല്…
എല്ലാം വളരെ പെട്ടെന്നുതീര്ന്നു.. മകന്റെ ഒരു സെക്കന്റ് നേരത്തെ ദേഷ്യം പെറ്റമ്മയുടെ ജീവനെടുത്തു.. ദേശീയപുരസ്കാരം നേടിയ ‘കടൈസി വ്യവസായി’ എന്ന സിനിമയില് അഭിനയിച്ച 71 കാരിയായ നടി കാസമ്മാള് മകന്റെ അടിയേറ്റു മരിച്ചു.
52 കാരനായ മകന് നമകോടിയെ പോലീസ് അറസ്റ്റ് ചെയ്തു. മധുര ജില്ലയില് ഉസിലാമ്പട്ടിക്കടുത്ത് അണയൂരിലാണ് സംഭവം. മദ്യപിക്കാന് പണം ചോദിച്ച് വഴക്കിടുന്നതിനിടയില് അമ്മയെ തലയ്ക്കടിച്ചു വീഴ്ത്തുകയായിരുന്നു. അടിയേറ്റ കാസമ്മാള് തത്ക്ഷണം മരിച്ചുവെന്ന് പോലീസ് പറഞ്ഞു. വിജയ് സേതുപതിയും നല്ലാണ്ടി എന്ന 85കാരനും പ്രധാനവേഷം കൈകാര്യം ചെയ്ത അവസാനത്തെ കര്ഷകന് എന്നര്ത്ഥം വരുന്ന ‘കടൈസി വ്യവസായി’യില് ഒട്ടേറെ ഗ്രാമീണര് അഭിനയിച്ചിരുന്നു. അതിലൊരാളായിരുന്നു വിജയ് സേതുപതിയുടെ അമ്മായിയായി അഭിനയിച്ച കാസമ്മാള്.
ബാല്സാമികാസമ്മാള് ദമ്പതിമാര്ക്ക് നമകോടിയുള്പ്പെടെ മൂന്നു മക്കളാണ്. ഭാര്യയുമായി പിണങ്ങിയതിനുശേഷം നമകോടി മാതാപിതാക്കള്ക്കൊപ്പമാണ് താമസിച്ചിരുന്നത്. ആദരാഞ്ജലികളോടെ…FC