നടി നസ്രിയക്ക് ഇന്ന് 18 അല്ല, 27 തികഞ്ഞിരിക്കുന്നു ജന്മദിന ആശംസാ പ്രവാഹം….

വര്‍ഷങ്ങള്‍ കുതിച്ചുപായുകയാണ് നാം കണ്ട മലയാളികളുടെ പ്രിയ താരം നസ്രിയ നസീമിന്റെ 27-ാം പിറന്നാള്‍ ആയിരിക്കുന്നു. പ്രേക്ഷകര്‍ക്ക് എന്നതു പോലെ സിനിമ മേഖലയിലുള്ളവര്‍ക്കും നസ്രിയ പ്രിയങ്കരിയാണ്. സിനിമാ രംഗത്തെ നിരവധി പേര്‍ നസ്രിയക്ക് ജന്മദിനാശംസകള്‍ നേര്‍ന്നിട്ടുണ്ട്. എന്നാല്‍ ജന്മദിനത്തില്‍ തന്റെ ഇളയ സഹോദരന്‍ നവീന്‍ നസീമിന് ജന്മദിന ആശംസ നേര്‍ന്നു കൊണ്ടുള്ള ഒരു പോസ്റ്റാണ് നസ്രിയ ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. ഇരുവരുടെയും ജന്മദിനം ഒരേ ദിവസമാണ്. തന്റെ എല്ലാകാലത്തെയും ഏറ്റവും മികച്ച പിറന്നാള്‍ സമ്മാനം എന്നാണ് നസ്രിയ നവീനിനെ ഈ ആശംസയില്‍ വിശേഷിപ്പിക്കുന്നത്. ”ജന്മദിനാശംസകള്‍ ഇച്ചു എന്നന്നേക്കും എന്റെ ഏറ്റവും മികച്ച ജന്മദിന സമ്മാനവും ആദ്യത്തെ കുട്ടിയും! വാക്കുകള്‍ക്കതീതമായി ഞാന്‍ നിന്നെ സ്‌നേഹിക്കുന്നു,” നസ്രിയ കുറിച്ചു ”ഞങ്ങള്‍ ഒരേ ജന്മദിനം പങ്കിടുന്നു … എന്റെ ആദ്യ ജന്മദിന സമ്മാനം അവനായിരുന്നു.നന്ദി ഉമ്മ വാപ്പ,” നസ്രിയ കുറിച്ചു.

ദുല്‍ഖര്‍ സല്‍മാന്‍ പൃഥ്വിരാജ് എന്നിവര്‍ നസ്രിയക്ക് ജന്മ ദിനാശംസകള്‍ നേര്‍ന്നു. ”ഏറ്റവും മികച്ച ജന്മദിനം ആശംസിക്കുന്നു,” എന്ന് ദുല്‍ഖര്‍ കുറിച്ചു. അനുജത്തിക്ക് പിറന്നാളാശംസ നേരുന്നുവെന്ന് പൃഥ്വിയും കുറിച്ചു. നസ്രിയ തനിക്ക് ഒരു കുഞ്ഞനുജത്തിയെപ്പോലെയാണെന്ന് മുന്‍പും പൃഥ്വി പറഞ്ഞിട്ടുണ്ട്. ”സിനിമാ മേഖലയില്‍ കൂടുതല്‍ പേരെയും സുഹൃത്തുക്കളായാണ് തോന്നിയിട്ടുള്ളത്. സഹോദരിയെ പോലെ തോന്നിയിട്ടുള്ളത് നച്ചുവിനെയാണ്. ഫോണിലൂടെ സംസാരിച്ചപ്പോള്‍ നസ്രിയയോട് അങ്ങനെയൊരു ഫീലാണ് തോന്നിയിട്ടുള്ളത്. നസ്രിയ ഇടയ്ക്കിടെ വീട്ടില്‍ വരും. മകളുടെ അടുത്ത സുഹൃത്താണ്” പൃഥ്വിരാജ് പറഞ്ഞു. ”നസ്രിയയെ പരിചയപ്പെടും മുന്‍പേ സഹോദരി വേണമെന്ന ആഗ്രഹമുണ്ടായിരുന്നു. ഞാന്‍ കുടുംബത്തിലെ ഏറ്റവും ഇളയവനാണ്. കസിന്‍സ് എല്ലാവരും എന്നെക്കാള്‍ മുതിര്‍ന്നവരാണ്. ഏറ്റവും ഇളയതായതുകൊണ്ട് എനിക്ക് താഴെയൊരു സഹോദരി വേണമെന്ന ആഗ്രമുണ്ടായിരുന്നു” എന്നാണ് ഒരിക്കല്‍ പൃഥ്വി അഭിമുഖത്തില്‍ പറഞ്ഞത്.

നസ്രിയയ്ക്കും ഇരട്ട സഹോദരന്‍ നസീമിനും ആശംസകള്‍ നേര്‍ന്ന് നടനും ഫഹദിന്റെ സഹോദരനുമായ ഫര്‍ഹാനും ഒരു കുറിപ്പ് പങ്കുവച്ചിട്ടുണ്ട്. ”ക്രേസിയായ, രസികരായ,?എപ്പോഴും പിന്തുണ നല്‍കുന്ന ഈ സഹോദരങ്ങള്‍ക്ക് ജന്മദിനാശംസകള്‍. മുന്നോട്ടുള്ള ജീവിതത്തില്‍ നിങ്ങള്‍ക്ക് എപ്പോഴും എല്ലാത്തിലും മികച്ചത് ലഭിക്കട്ടെ.” 2014 ഓഗസ്റ്റ് 21നായിരുന്നു ഫഹദ്- നസ്രിയ വിവാഹം. കരിയറില്‍ തിളങ്ങിനില്‍ക്കുന്ന സമയത്താണ് നസ്‌റിയ ഫഹദിനെ വിവാഹം കഴിക്കുന്നത്. വിവാഹത്തോടെ സിനിമയില്‍നിന്നും വിട്ടുനിന്ന നസ്രിയ അഞ്ജലി മേനോന്റെ കൂടെ എന്ന ചിത്രത്തിലൂടെ തിരിച്ചെത്തി. ഇപ്പോള്‍ നിര്‍മ്മാതാവ് എന്ന രീതിയിലും ശ്രദ്ധ നേടുന്ന വ്യക്തിയാണ് നസ്രിയ. വരത്തന്‍, കുമ്പളങ്ങി നൈറ്റ്‌സ്, സീ യു സൂണ്‍ തുടങ്ങിയ ചിത്രങ്ങളുടെ നിര്‍മ്മാണ പങ്കാളി കൂടിയായിരുന്നു നസ്രിയ.
രണ്ടാം വരവില്‍ ട്രാന്‍സ്, മണിയറയിലെ അശോകന്‍ തുടങ്ങിയ മലയാളം ചിത്രങ്ങളിലും അഭിനയിച്ച നസ്രിയ ‘അന്റെ സുന്ദരാനികി’ എന്ന തെലുങ്ക് ചിത്രത്തിലും അടുത്തിടെ അഭിനയിച്ചിരുന്നു. നസ്രിയയ്ക്ക് ഹൃദയം നിറഞ്ഞ ജന്മദിനാശംസകള്‍ FC

About Post Author

Film Court

See author's posts