നടന് പ്രതാപ് പോത്തന് മരിച്ചു.. വിശ്വസിക്കാനാകുന്നില്ല, ഫ്ളാറ്റില് മരിച്ച നിലയില് കണ്ടെത്തുകയായിരുന്നു, ബാംഗ്ലൂര് ഡെയ്സ് അടക്കം…..
തികച്ചും അപ്രതീക്ഷിതം ഒരുപാട് പ്രോജക്റ്റുകള് മുന്നില് ഉണ്ടായിരുന്നു പക്ഷെ മരണം ആരും പ്രതീക്ഷിച്ചില്ല അതുകൊണ്ട് വാര്ത്ത അറിഞ്ഞ ഞെട്ടലിലാണ് മലയാള സിനിമയും അണിയറ പ്രവര്ത്തകരും, നടനും സംവിധായകനുമായ പ്രതാപ് പോത്തന് (70) അന്തരിച്ചു. ചെന്നൈയിലെ ഫ്ളാറ്റില് മരിച്ചനിലയില് കണ്ടെത്തുകയായിരുന്നു.
മലയാളം, തമിഴ്, തെലുങ്ക്, ഹിന്ദി ഭാഷകളിലായി നൂറിലേറെ ചിത്രങ്ങളില് അഭിനയിച്ചിട്ടുണ്ട്. തിരക്കഥാകൃത്ത്, നിര്മാതാവ് എന്നീ നിലകളിലും പ്രശസ്തനാണ്. 1952ല് തിരുവനന്തപുരത്ത് വ്യാപാരി കുടുംബത്തിലാണ് പ്രതാപ് പോത്തന്റെ ജനനം. നിര്മാതാവ് ഹരിപോത്തന് മൂത്ത സഹോദരന് ആണ്. ഊട്ടിയിലെ ലോറന്സ് സ്കൂളിലായിരുന്നു പഠനം. പിന്നീട് മദ്രാസ് ക്രിസ്ത്യന് കോളേജില് നിന്ന് ബി.എ. സാമ്പത്തിക ശാസ്ത്ര ബിരുദം നേടി. കോളേജ് കാലഘട്ടത്തില് തന്നെ അഭിനയത്തില് കമ്പമുണ്ടായിരുന്നു. മദ്രാസ് പ്ലയേഴ്സിലെ അഭിനേതാവായിരുന്ന പ്രതാപിന്റെ അഭിനയമികവ് കണ്ട ഭരതന് തന്റെ ആരവം എന്ന ചിത്രത്തില് അഭിനയിക്കാന് അദ്ദേഹത്തെ ക്ഷണിക്കുകയായിരുന്നു.1978 ലായിരുന്നു ഈ ചിത്രം പുറത്തിറങ്ങിയത്.
പിന്നീട് തകര, ചാമരം, ലോറി എന്നീ ചിത്രങ്ങളിലും അദ്ദേഹം അഭിനയിച്ചു. നെഞ്ചെത്തെ കിള്ളാതെ, പനീര് പുഷ്പങ്ങള്, വരുമയിന് നിറം ശിവപ്പു എന്നീ ചിത്രങ്ങളിലെ അഭിനയം തമിഴിലും പ്രതാപിനെ പ്രശസ്തനാക്കി. കെ. ബാലചന്ദര് സംവിധാനം ചെയ്ത വരുമയിന് നിറം ശിവപ്പു എന്ന ചിത്രത്തിലെ പ്രതാപിന്റെ അഭിനയം ശ്രദ്ധേയമായിരുന്നു.അഴിയാത കോലങ്ങള്, മധുമലര്, കാതല് കഥൈ, നവംബറിന്റെ നഷ്ടം, ഒന്നുമുതല് പൂജ്യം വരെ, തന്മാത്ര, 22 ഫീമെയില് കോട്ടയം തുടങ്ങിയവയടക്കം നിരവധി ശ്രദ്ധേയ ചിത്രങ്ങളില് വേഷമിട്ടു.
മോഹന്ലാല് സംവിധാനം ചെയ്ത ബറോസിലാണ് ഏറ്റവുമൊടുവില് അഭിനയിച്ചത്. ഒരു യാത്രാമൊഴി, ഡെയ്സി, ഋതുഭേദം തുടങ്ങിയവ അടക്കം മലയാളത്തിലും തമിഴിലും തെലുങ്കിലുമായി 12 സിനിമകള് സംവിധാനം ചെയ്തു. സൊല്ല തുടിക്കിത് മനസ്സ് എന്ന ചിത്രത്തിനു തിരക്കഥയൊരുക്കി. സിനിമയ്ക്ക് പുറമെ പരസ്യകലാരംഗത്തും സജീവമായിരുന്നു പ്രതാപ് പോത്തന്. ഗ്രീന് ആപ്പിള് എന്ന പേരിലുള്ള സ്വന്തം പരസ്യ ഏജന്സിയുമായി തിരക്കിലായിരുന്നു അദ്ദേഹം.
1985 ല് ചലച്ചിത്രതാരം രാധികയെ വിവാഹം ചെയ്തെങ്കിലും അടുത്ത വര്ഷം വിവാഹമോചിതനായി. പിന്നീട് 1990 ല് അമല സത്യനാഥിനെ വിവാഹം ചെയ്തു. 2012 ല് പിരിഞ്ഞു. ഈ ബന്ധത്തില് കേയ എന്ന മകളുണ്ട്.
കേരള സംസ്ഥാന ചലച്ചിത്ര അവാര്ഡ് – പ്രത്യേക ജൂറി അവാര്ഡ് (2014), മികച്ച നടനുള്ള ഫിലിംഫെയര് അവാര്ഡ് (തകര -1979, ചാമരം-1980),ഒരു നവാഗത സംവിധായികന്റെ മികച്ച ആദ്യ ചിത്രത്തിനുള്ള ഇന്ദിരാഗാന്ധി അവാര്ഡ് – മീണ്ടും ഒരു കാതല് കഥൈ (1985),ഒരു നെഗറ്റീവ് റോളിലെ മികച്ച നടനുള്ള SIIMA അവാര്ഡ് – 22 ഫീമെയില് കോട്ടയം (2012) എന്നീ പുരസ്കാരങ്ങള് ലഭിച്ചിട്ടുണ്ട്. ആദരാഞ്ജലികളോടെ FC