എല്ലാവരും വിളിക്കുന്നത് ഭ്രാന്ത് എന്നാണ്.. പക്ഷേ ഞാനിതിനെ വിളിക്കുന്നത്… നടി മൃദുല

മിനിസ്‌ക്രീന്‍ പ്രേക്ഷകരുടെ ഇഷ്ടതാരങ്ങളായ യുവ കൃഷ്ണയും മൃദുല വിജയും ജീവിതത്തില്‍ ഒന്നായത് ആരാധകര്‍ക്ക് ഏറെ സന്തോഷമേകിയ ഒന്നായിരുന്നു. കഴിഞ്ഞ ജൂലൈ എട്ടിനായിരുന്നു ഇരുവരുടെയും വിവാഹം ആറ്റുകാല്‍ ദേവീ ക്ഷേത്രത്തില്‍വച്ചായിരുന്നു യുവയും മൃദുലയും വിവാഹിതരായത്. താരങ്ങളുടെ വിവാഹ ഫൊട്ടോകളും വീഡിയോകളും സോഷ്യല്‍ മീഡിയയില്‍ വൈറലായിരുന്നു.

വിവാഹശേഷമുളള വിശേഷങ്ങളും യുവയും മൃദുലയും സോഷ്യല്‍ മീഡിയ വഴി ആരാധകരെ അറിയിക്കുന്നുണ്ട്. യുവയ്‌ക്കൊപ്പമുളള ചിത്രം പങ്കുവച്ച് മൃദുല എഴുതിയ വാക്കുകളാണ് ആരാധകര്‍ ഏറ്റെടുത്തിരിക്കുന്നത്. ‘നിങ്ങള്‍ ഇതിനെ ഭ്രാന്തെന്ന് വിളിക്കും, പക്ഷേ ഞാന്‍ സ്‌നേഹമെന്ന് വിളിക്കും’, ഇതായിരുന്നു മൃദുല കുറിച്ചത്. മൃദുലയ്‌ക്കൊപ്പമുളള ഒരു ചിത്രം യുവയും തന്റെ ഇന്‍സ്റ്റഗ്രാം പേജില്‍ പോസ്റ്റ് ചെയ്തിട്ടുണ്ട്.

മൃദുല വിജയ് നായികയായി എത്തിയ പൂക്കാലം വരവായി എന്ന പരമ്പര ഇന്നലെ അവസാനിച്ചിരുന്നു. പരമ്പര അവസാനിക്കുന്നത് ലൈവ് വീഡിയോയിലൂടെ മൃദുല അറിയിച്ചിരുന്നു. പരമ്പര അവസാനിക്കുന്നതില്‍ സങ്കടമുണ്ട്. പക്ഷേ ഏതൊരു സീരിയലും അവസാനിച്ചല്ലേ പറ്റൂ. ഇത്രയധികം സ്‌നേഹവും പിന്തുണയും നല്‍കിയതിന് എല്ലാവരോടും നന്ദിയെന്നും മൃദുല പറഞ്ഞിരുന്നു. പൂക്കാലം വരവായി പരമ്പരയില്‍ സംയുക്ത എന്ന കഥാപാത്രത്തെയാണ് മൃദുല അവതരിപ്പിച്ചത്.FC

About Post Author

Film Court

See author's posts