നടിമാരായ അനുശ്രീയും, മാളവികയും പട്ടുപാവാടയുടുത്ത് ശിവരാത്രി തൊഴുത് ഭക്തരെ…

താരസുന്ദരികള് ഇഷ്ടവരപ്രസാദം സ്വന്തമാക്കാന് ശിവരാത്രിനാളില് ക്ഷേത്ര ദര്ശനം നടത്തി ഭക്തര്ക്ക് ആശംസകളും നേര്ന്നു, ഹൈന്ദവര് ഏറെ പ്രാധാന്യത്തോടെ ആഘോഷിക്കുന്ന ഒന്നാണ് മഹാശിവരാത്രി. കുംഭ മാസത്തിലെ കൃഷ്ണ പക്ഷത്തിലെ പതിമൂന്നാം രാത്രിയും പതിനാലാം പകലുമാണ് ശിവരാത്രിയായി ആഘോഷിക്കുന്നത്. ഇന്നാണ് ആ ദിനം.
കേരളത്തില് ആലുവ ശിവക്ഷേത്രം, പടനിലം പരബ്രഹ്മ ക്ഷേത്രം, തൃശ്ശൂര് വടക്കുനാഥക്ഷേത്രം തുടങ്ങിയവടങ്ങളില് ശിവരാത്രി മഹോത്സവം വിപുലമായിട്ടാണ് ആഘോഷിക്കുന്നത്. സിനിമ-സീരിയല് രംഗത്ത് പ്രവര്ത്തിക്കുന്നവര് തങ്ങളുടെ ആരാധകര്ക്ക് ശിവരാത്രി ആശംസിച്ചുകൊണ്ട് പോസ്റ്റുകള് ഇടുന്നുണ്ട്. കൂടുതല് പേരും ശിവന്റെ ഒരു ഫോട്ടോയോ ഏതേലും ശിവക്ഷേത്രത്തില് നില്ക്കുന്ന ഫോട്ടോയോ പങ്കുവച്ചുകൊണ്ടാണ് ആശംസകള് അറിയിക്കുന്നത്.
കോവിഡ് സാഹചര്യങ്ങള് കുറയുന്നത് കൊണ്ട് തന്നെ വലിയ രീതിയിലുളള ആഘോഷങ്ങളാണ് നടക്കുന്നത്. പ്രശസ്ത സിനിമ നടിയായ അനുശ്രീ പട്ടുപാവാട ഉടുത്തുളള ചിത്രങ്ങളാണ് പങ്കുവച്ചത്. കര്ണ്ണാടകയിലെ പ്രശസ്തവും പുരാതനവുമായ മുരുഡേശ്വര ക്ഷേത്രത്തിലെ വലിയ ശിവപ്രതിമയ്ക്ക് ഒപ്പമുള്ള ചിത്രങ്ങളാണ് അനുശ്രീ പോസ്റ്റ് ചെയ്തത്. തനിനാടന് പെണ്കുട്ടിയായുള്ള അനുശ്രീയുടെ ലുക്കിന് പല ആരാധകരും കമന്റുകള് ഇടുകയും അതുപോലെ അനുശ്രീയ്ക്ക് തിരിച്ചും ആശംസകള് അറിയിക്കുകയും ചെയ്തിട്ടുണ്ട് .
അനുശ്രീയെ പോലെ തന്നെ നടി മാളവിക മേനോനും തന്റെ ആരാധകര്ക്ക് ശിവരാത്രി ആശംസകള് നേര്ന്ന് പോസ്റ്റിട്ടിട്ടുണ്ട്. മാളവികയും പട്ടുപാവാടയില് ഒരു ക്ഷേത്രത്തില് പ്രസാദം വാങ്ങിച്ചു നില്ക്കുന്ന ചിത്രങ്ങളാണ് പങ്കുവച്ചത്. നീല പട്ടുപാവാടയില് ഒരു ദേവിയെ പോലെ തോന്നിക്കുന്നുവെന്നാണ് ആരാധകര് പറയുന്നത്. ഇവരെ കൂടാതെ വേറെയും താരങ്ങള് ശിവരാത്രി ആശംസകള് നേര്ന്നിട്ടുണ്ട്. എല്ലാവര്ക്കും ഞങ്ങളും നേരുന്നു ശിവരാത്രി ആശംസകള് FC