സിനിമയേക്കാള് ശക്തമായ മടങ്ങിവരവ്.. ശ്രീനിവാസന്റെ വിധിയെഴുതിയവര് കാണുക….
ഭയപ്പെടുത്തുന്ന അവസ്ഥയിലൂടെ കടന്നു പോയ നടന് ശ്രീനിവാസന്റെ മടങ്ങി വരവില് ആനന്ദിക്കുകയാണ് കുടുംബത്തോടൊപ്പം സിനിമയുടെ അണിയറ പ്രവര്ത്തകരും ആരാധകരും, നടന് ശ്രീനിവാസനൊപ്പമുള്ള ഏറ്റവും പുതിയ ചിത്രങ്ങള് പങ്കുവച്ച് സംവിധായകന് സത്യന് അന്തിക്കാട്.
ശ്രീനിവാസന് ഇപ്പോള് അഭിനയിച്ചുകൊണ്ടിരിക്കുന്ന ‘കുറുക്കന്’ എന്ന സിനിമയുടെ ലൊക്കേഷനിലാണ് സത്യന് അന്തിക്കാട് അദ്ദേഹത്തെ സന്ദര്ശിച്ചത്. കൂടുതല് സന്തോഷവാനായും ആരോഗ്യവാനുമായാണ് ശ്രീനിയെ കാണാന് കഴിഞ്ഞതെന്ന് സത്യന് അന്തിക്കാട് പറയുന്നു.
സത്യന് അന്തിക്കാടിന്റെ വാക്കുകള്: മഴവില് മനോരമയുടെ പുരസ്കാരം സ്വീകരിച്ചു കൊണ്ട് നിറഞ്ഞ സദസ്സിനോട് ശ്രീനിവാസന് പറഞ്ഞു:
”ഞാന് രോഗശയ്യയിലായിരുന്നു, അല്ല, രോഗിയായ ഞാന് ശയ്യയിലായിരുന്നു.” ഉറവ വറ്റാത്ത നര്മ്മത്തിന്റെ ഉടമയെ ചേര്ത്തു പിടിച്ച് ഞാന് പറഞ്ഞു, ”ശ്രീനിവാസന്റെ മൂര്ച്ചയുള്ള സംഭാഷണങ്ങളും പൊട്ടിച്ചിരിപ്പിക്കുന്ന തമാശകളും ഇനിയുമുണ്ടാകും. പവിഴമല്ലി വീണ്ടും പൂത്തുലയും”
പ്രതീക്ഷിച്ചതിനേക്കാള് വേഗത്തില് അതു സംഭവിക്കുന്നു. രണ്ടു ദിവസം മുമ്പ് ശ്രീനി അഭിനയിക്കുന്ന ‘കുറുക്കന്’ എന്ന സിനിമയുടെ സെറ്റില് ഞാന് പോയി. ശ്രീനി പഴയ ശ്രീനിയായി മാറി; എല്ലാ അര്ത്ഥത്തിലും. നന്ദി പറയേണ്ടത് പുതിയ സിനിമയുടെ ശില്പികളോടും വിനീതിനോടും ഒരു നിമിഷം പോലും അരികില് നിന്നു മാറി നില്ക്കാത്ത ശ്രീനിയുടെ സ്വന്തം വിമലയോടുമാണ്. സ്നേഹമുള്ളവരുടെ പ്രാര്ത്ഥനകള്ക്ക് ഫലമുണ്ടാകുമെന്ന് ഇനി വിശ്വസിച്ചേ പറ്റൂ. FC