വല്ലാത്ത ദുരന്തം.. നടി സുബി സന്തോഷത്തിലായിരുന്നു.. വിവാഹത്തിനുള്ള ഒരുക്കത്തിനിടെ മരണം…..
നടി സുബി സുരേഷിന്റെ വിയോഗത്തില് അനുശോചിച്ച് സുഹൃത്തും നടനുമായ ടിനി ടോം. കരള് സംബന്ധമായ പ്രശ്നങ്ങളെ തുടര്ന്ന് ബുധനാഴ്ച രാവിലെ 10 മണിയോടെയായിരുന്നു മരണം സംഭവിച്ചത്. സുബിക്ക് രോഗം ബാധിച്ചത് തികച്ചും അപ്രതീക്ഷിതമാണെന്നും ഉള്ക്കൊള്ളാനാകുന്നില്ലെന്നും ടിനി ടോം പ്രതികരിച്ചു.
സുബിയുടെ വിവാഹത്തിന്റെ കാര്യത്തില് തീരുമാനത്തിലെത്തിയിരുന്നുവെന്നും അവര് ഏറെ സന്തോഷവതിയായിരുന്നുവെന്നും അദ്ദേഹം പറഞ്ഞു. പത്ത്, പതിനേഴ് ദിവസമായി സുബി രാജഗിരി ആശുപത്രിയില് ചികിത്സയിലായിരുന്നു. കരള് സംബന്ധമായ രോഗമായിരുന്നു. സുബിയുടെ ഒരു സുഹൃത്താണ് തന്നെ വിവരം അറിയിച്ചത്. പുറത്ത് അധികം ആരോടും പറഞ്ഞിരുന്നില്ല. കരള് മാറ്റിവയ്ക്കാനുള്ള തയ്യാറെടുപ്പിലായിരുന്നു.
സുരേഷ് ഗോപി വഴി പലരുമായി ബന്ധപ്പെട്ട് ഒരു എട്ട് ദിവസം കൊണ്ട് ചെയ്യേണ്ട നടപടികള് നാല് ദിവസം കൊണ്ട് പൂര്ത്തിയാക്കി. സുബിയുടെ അമ്മയുടെ സഹോദരിയുടെ മകളാണ് കരള് നല്കാന് തയ്യാറായത്. കരള് മാറ്റിവയ്ക്കാനുള്ള എല്ലാ നടപടികളും ശനിയാഴ്ചയോട് കൂടി പൂര്ത്തിയാക്കി. പക്ഷേ അതിനിടെ സ്ഥിതി മോശമായി. വൃക്കയില് അണുബാധയുണ്ടായി, മറ്റു അവയവങ്ങളിലേക്കും അത് പടര്ന്നു. അതിനിടെ രക്തസമ്മര്ദ്ദം കൂടി. അതിനാല് ശസ്ത്രക്രിയ ചെയ്യാന് സാധിച്ചില്ല. കഴിഞ്ഞ ദിവസം വെന്റിലേറ്ററിലേക്ക് മാറ്റി. ചെയ്യാവുന്നതിന്റെ പരമാവധി ചെയ്തു. പക്ഷേ രക്ഷിക്കായില്ലെന്നും ടിനി ടോം പറഞ്ഞു. FC