വൈകീട്ട് നാല്മണിയോടെ കെ പി എ സി ലളിത ഈ മനോഹര ഭൂമിയില്‍ അലിഞ്ഞു ചേരും…..
കോടാനുകോടിയുള്ളവനും, കിടക്കാന്‍ ഒരുതുണ്ടു ഭൂമിയില്ലാത്തവനും ആറടിമണ്ണില്‍ അലിഞ്ഞു ചേരും, അഭിനയ മുഹൂര്‍ത്തങ്ങളുടെ അലകടല്‍ തീര്‍ത്ത നടി കെ.പി.എ.സി ലളിത വൈകീട്ട് നാലോടെ അലങ്കാരങ്ങളും ചമയങ്ങളുമില്ലാത്ത ലോകത്തേക്ക് യാത്രയാകും, ശേഷം ദിവസങ്ങള്‍ക്കുള്ളില്‍ ഭൗതീകാവശിഷ്ടം നിളയില്‍ ലയിച്ചു ചേരും.
എറണാകുളത്ത് തൃപ്പൂണിത്തുറയില്‍, മകന്‍, നടനും സംവിധായകനുമായ സിദ്ധാര്‍ഥ് ഭരതന്റെ ഫ്‌ളാറ്റിലായിരുന്നു ചൊവ്വാഴ്ച രാത്രി 10.45-ന് അന്ത്യം. കരള്‍രോഗം കാരണം ദീര്‍ഘനാളായി ചികിത്സയിലായിരുന്നു. സംസ്‌കാരം ബുധനാഴ്ച വൈകീട്ട് വടക്കാഞ്ചേരിയിലെ വീട്ടുവളപ്പില്‍. മൃതദേഹം രാവിലെ എട്ട് മുതല്‍ 11.30 വരെ തൃപ്പൂണിത്തുറ ലായം ഓഡിറ്റോറിയത്തില്‍ പൊതുദര്‍ശനത്തിന് വെക്കും. ഉച്ചയോടെയാകും മൃതദേഹം വടക്കാഞ്ചേരിയിലെ വീട്ടിലെത്തിക്കുക കായംകുളം രാമപുരത്ത് കടയ്ക്കല്‍ തറയില്‍ അനന്തന്‍നായരുടെയും ഭാര്‍ഗവി അമ്മയുടെയും മകളായി 1947 മാര്‍ച്ച് പത്തിന് ഇടയാറന്മുളയിലാണ് കെ.പി.എ.സി ലളിത ജനിച്ചത് മഹേശ്വരി എന്നായിരുന്നു യഥാര്‍ഥ പേര്.
ചെങ്ങന്നൂര്‍ അമ്പലത്തില്‍ മാതാപിതാക്കള്‍ ഭജനമിരുന്ന് പിറന്നതിനാലാണത്രേ മഹേശ്വരിയെന്ന് പേരിട്ടത്. സ്‌കൂള്‍ കാലം മുതല്‍ നൃത്തത്തിലായിരുന്നു ലളിതയ്ക്ക് താത്പര്യം. രാമപുരത്തെ സ്‌കൂളില്‍ വച്ചാണ് ആദ്യമായി നൃത്തവേദിയില്‍ കയറിയത്. എക്കാലത്തെയും മികച്ച വിപ്ലവഗാനമായ ‘പൊന്നരിവാളമ്പിളിയില്‍ കണ്ണെറിയുന്നോളെ…’യ്ക്ക് ചുവടുവച്ചായിരുന്നു തുടക്കം. പത്താംവയസ്സില്‍ നൃത്തപഠനത്തില്‍നിന്ന് ചങ്ങനാശ്ശേരി ഗീഥയുടെ ‘ബലി’യെന്ന നാടകത്തിലൂടെ കെ.പി.എ.സി.യിലെത്തി. കെ.പി.എ.സിയില്‍ എത്തിയതിന് ശേഷമാണ് മഹേശ്വരി കെ.പി.എ.സി ലളിതയാവുന്നത്.
വളരെ ചുരുങ്ങിയ കാലംകൊണ്ടു തന്നെ നാടകവേദികളില്‍ കെ.പി.എ.സി ലളിത ശ്രദ്ധനേടി തോപ്പില്‍ഭാസിയുടെ കൂട്ടുകുടുംബം എന്ന നാടകം 1969-ല്‍ കെ.എസ്. സേതുമാധവന്‍ സിനിമയാക്കിയപ്പോള്‍ അതിലൂടെയായിരുന്നു ലളിത സിനിമയില്‍ അരങ്ങേറ്റം കുറിച്ചത്.പിന്നീട് നിങ്ങളെന്നെ കമ്മ്യൂണിസ്റ്റാക്കി, ഒതേനന്റെ മകന്‍, വാഴ്‌വെ മായം, ത്രിവേണി, അനുഭവങ്ങള്‍ പാളിച്ചകള്‍, ഒരു സുന്ദരിയുടെ കഥ, സ്വയംവരം തുടങ്ങി സത്യനും പ്രേം നസീറുനുമൊപ്പമെല്ലാം ഒട്ടനവധി ചിത്രങ്ങള്‍ ചെയ്തു. സഹനായിക വേഷങ്ങളിലായിരുന്നു കെ.പി.എ.സി ലളിത ഏറെയും പ്രത്യക്ഷപ്പെട്ടത്. സുകുമാരിയെപ്പോലെ തന്നെ ഹാസ്യവേഷങ്ങളെ അതിഗംഭീരമായി അവതരിപ്പിക്കാനുള്ള കഴിവാണ് ലളിതയെ ജനപ്രിയനടിയാക്കിയത്, കെ പി എ സി ലളിത 700 സിനിമകളില്‍ വേഷമിട്ടു ആദരാഞ്ജലികളോടെ FC
About Post Author
നടന്‍ നരേന്റെ കുഞ്ഞിനെ കൊഞ്ചിക്കാന്‍ മമ്മുട്ടിയും.. മകന്റെ ആദ്യപിറന്നാളിനാണ് മെഗാസ്റ്റാര്‍ ഭാര്യക്കൊപ്പം എത്തിയത് … 
എന്നെ വിളിച്ചിരുന്നത് മത്തി എന്നായിരുന്നു.. ബോഡി ഷേമിങ്ങിനെ കുറിച്ച് നടി മീനാക്ഷി അതൊരു വേദനയാണ് … 
കാളിദാസിന്റെ വിവാഹനിശ്ചയ വീഡിയോ പുറത്തിറങ്ങി.. ജയറാം നല്ല മുഹൂര്‍ത്തത്തില്‍ മകനെ കരയിപ്പിച്ചത് എന്തിന്… 
ഗിന്നസ്സ് പക്രു ഇളയമകളെ വാക്കറില്‍ ഇരുത്തി നടക്കാന്‍ പഠിപ്പിക്കുകയാണ്.. അച്ഛനും മകളും ഹാപ്പി.. ആരാധകരും… 
ഞാന്‍ ചെറുപ്പത്തിലേ പണിക്കിറങ്ങി.. നടി അന്നയുടെ ജീവിതകഥ വേദനിപ്പിക്കുന്നത്.. ചിരിപ്പിക്കുമ്പോഴും ഉള്ളുപൊടിയുന്നു… 
നിറയെ പ്രിന്റുള്ള ഷര്‍ട്ട് മമ്മുട്ടി അണിഞ്ഞു പിന്നെ എല്ലാം പെട്ടെന്ന്.. ഒറ്റ ഷര്‍ട്ട് വാങ്ങാന്‍ കിട്ടാനില്ല ചൂടപ്പം പോലെ വിറ്റ് തീര്‍ന്നു…