ഇഷ്ട ബാലതാരം രാഹുല്‍ മരിച്ചു… ചെറുപ്രായത്തില്‍ ക്യാന്‍സര്‍ കൊണ്ടുപോയി…….

ആ രോഗം അങ്ങനെയാണ് വന്നു പിടികൂടിയാല്‍ പിന്നെ കൂടെ പോകാതെ പറ്റില്ല വലിപ്പച്ചെറുപ്പമില്ലാതെ എല്ലാവരിലേക്കും ക്രൂരമായ ക്യാന്‍സര്‍ കടന്നു കൂടുന്നു ഇപ്പോഴിതാ ഇന്ത്യയുടെ ഈ വര്‍ഷത്തെ ഔദ്യോഗിക ഓസ്‌കാര്‍ എന്‍ട്രിയായ ചെല്ലോ ഷോയില്‍ പ്രധാന കഥാപാത്രങ്ങളിലൊരാളെ അവതരിപ്പിച്ച ബാലതാരം രാഹുല്‍ കോലിയെയും ക്യാന്‍സര്‍ കൊണ്ടുപോയിരിക്കുന്നു 15 വയസ്സായിരുന്നു. ചെല്ലോ ഷോയിലെ ആറ് പ്രധാന ബാലതാരങ്ങളില്‍ ഒരാളായിരുന്നു രാഹുല്‍. ഞായറാഴ്ച രാഹുലിന് തുടര്‍ച്ചയായി പനിയുണ്ടായിരുന്നെന്നും മൂന്ന് തവണ രക്തം ഛര്‍ദിച്ചതായും പിതാവ് രാമു കോലി ടൈംസ് ഓഫ് ഇന്ത്യയോട് പ്രതികരിച്ചു.

രാമു കോലിയുടെ മൂത്ത മകനാണ് രാഹുല്‍. അവസാന സിനിമാ പ്രദര്‍ശനം എന്നാണ് ചെല്ലോ ഷോ എന്ന വാക്കിന്റെ അര്‍ത്ഥം. സംവിധായകന്‍ പാന്‍ നളിന്റെ തന്നെ കുട്ടിക്കാലത്തെ ഓര്‍മകളെ അടിസ്ഥാനമാക്കിയാണ് ചിത്രം ഒരുക്കിയിരിക്കുന്നത്. താനെങ്ങനെ സിനിമയില്‍ ആകൃഷ്ടനായെന്നാണ് നളിന്‍ ചിത്രത്തിലൂടെ പറയുന്നത്. ഒമ്പത് വയസ്സ് പ്രായമുള്ള സമയ് എന്ന ബാലന്‍ സിനിമാ പ്രൊജക്ടര്‍ ടെക്‌നീഷ്യനായ ഫസലിനെ സ്വാധീനിച്ച് സിനിമകള്‍ കാണുന്നതും സിനിമ സ്വപ്നം കാണുന്നതുമാണ് ‘ചെല്ലോ ഷോ’യില്‍ ദൃശ്യവത്ക്കരിച്ചിരിക്കുന്നത്. മികച്ച അന്താരാഷ്ട്ര ചിത്രത്തിനുള്ള പുരസ്‌കാരത്തിനാണ് ചെല്ലോ ഷോ മത്സരിക്കുന്നത്.

ഭവിന്‍ റബാരിയാണ് സമയ് എന്ന ബാലനായെത്തുന്നത്. പ്രൊജക്ടര്‍ ടെക്‌നീഷ്യന്‍ ഫസലാകുന്നത് ഭാവേഷ് ശ്രീമലിയാണ്. റിച്ച മീന, ദീപന്‍ റാവല്‍ എന്നിവരാണ് ചിത്രത്തിലെ മറ്റഭിനേതാക്കള്‍. ഈ മാസം പതിനാലിനാണ് ചിത്രം തിയേറ്ററുകളിലെത്തുന്നത്. ആദരാഞ്ജലികളോടെ. FC

About Post Author

Film Court

See author's posts