മദ്യലഹരിയില് വിമാനത്തില് നടി ദിവ്യയോട് മോശമായി പെരുമാറി.. പോലീസ് കേസെടുത്തു…
യാത്ര ബസിലായാലും വിമാനത്തിലായാലും സ്ത്രീകള്ക്ക് രക്ഷയില്ല… വിമാനയാത്രക്കിടെ മോശം പെരുമാറ്റമുണ്ടായെന്ന പരാതിയുമായി യുവനടി ദിവ്യ പ്രഭ. വിമാനത്തിലുണ്ടായിരുന്ന മറ്റൊരു യാത്രക്കാരനെതിരെയാണ് ദിവ്യ പ്രഭ കൊച്ചി പൊലീസില് പരാതി നല്കിയത്. സഹയാത്രികന് നടിയോട് അപമര്യാദയായി പെരുമാറുകയായിരുന്നു. സംഭവം നടന്നശേഷം വിമാനത്തിലെ ജീവനക്കാരോടു പരാതി പറഞ്ഞിട്ടും യാതൊരു നടപടിയും ഉണ്ടായില്ലെന്നും നടി പരാതിയില് പറയുന്നു. മുംബൈയില് നിന്ന് കൊച്ചിയിലേക്കുള്ള യാത്രക്കിടെ എയര് ഇന്ത്യ വിമാനത്തിലാണ് സംഭവം. മദ്യലഹരിയിലായിരുന്ന സഹയാത്രികന് തൊട്ടടുത്ത സീറ്റിലിരുന്ന് മോശമായി പെരുമാറിയെന്നാണ് ആരോപണം.
വിമാനജീവനക്കാരോട് പരാതിപ്പെട്ടപ്പോള് തന്നെ സീറ്റ് മാറ്റിയിരുത്തുകയാണ് ചെയ്തതെന്നും നടി പരാതിയില് പറയുന്നുണ്ട്. പൊലീസിനോട് പരാതിപ്പെടാന് ആയിരുന്നു എയര്ഇന്ത്യ അധികൃതരുടെ നിര്ദേശം. കൊച്ചിയിലെത്തിയ ശേഷം ഇവര് പൊലീസില് പരാതി നല്കി. തന്റെ ഇന്സ്റ്റഗ്രാം പേജിലൂടെ ആണ് താരം ദുരനുഭവം വെളിപ്പെടുത്തിയത്.
സംഭവത്തില് ഉചിതമായ നടപടി വേണമെന്നും, വിമാനയാത്രക്കാരുടെ സുരക്ഷ ഉറപ്പാക്കണമെന്നും നടി ആവശ്യപ്പെട്ടു. സംഭവത്തില് പൊലീസ് അന്വേഷണം ആരംഭിച്ചു. ഇതുസംബന്ധിച്ച കൂടുതല് വിവരങ്ങള് അന്വേഷണത്തിനുശേഷമേ വ്യക്തമാകുകയുള്ളുവെന്നും പൊലീസ് അറിയിച്ചു. FC