സ്ത്രീകളെ വിലയിരുത്തേണ്ടത് വേഷം നോക്കിയല്ല നടി നീന, പറയുമ്പോള്‍ ധരിച്ചത് കണ്ടില്ലേ…..

സ്വാതന്ത്ര്യം അമൃതാണ്, സഞ്ചാരത്തിനും, വാക്കിനും, പ്രവര്‍ത്തിക്കും, വസ്ത്രധാരണത്തിനും എന്നുവേണ്ട ഒരു മനുഷ്യന് മറ്റുള്ളവരെ ദ്രോഹിക്കുന്നത് ഒഴിച്ച് ബാക്കിയെല്ലാ കാര്യങ്ങള്‍ക്കും സ്വാതന്ത്ര്യം വേണ്ടുവോളമുള്ള മഹാരാജ്യമാണ് ഭാരതം, ചിലരുടെ സ്വാതന്ത്ര്യത്തില്‍ മറ്റുള്ളവര്‍ ഇടപെടലുകള്‍ നടത്തും ആ ഇടപെടലുകള്‍ക്കെതിരെ ശബ്ദമുയര്‍ത്തുന്നവരുണ്ട് അത്തരത്തിലൊന്നാണിത്.

നീന ഗുപ്തയുടെ ഫാഷന്‍ സെന്‍സ് പലപ്പോഴും സമൂഹമാധ്യമങ്ങളില്‍ ശ്രദ്ധപിടിച്ചു പറ്റാറുണ്ട്. പ്രശംസയോടൊപ്പം തന്നെ വിമര്‍ശനങ്ങളും ഉയരാറുണ്ട്. എന്നാല്‍ ഇത്തരം കാര്യങ്ങള്‍ ഒന്നും തന്നെ താരം വകവയ്ക്കാറുമില്ല. ഇപ്പോഴിതാ വസ്ത്രത്തിന്റെ പേരില്‍ സ്ത്രീകളെ അപമാനിക്കുന്നവര്‍ക്ക് മറുപടിയുമായി എത്തിയിരിക്കുകയാണ് നീന ഗുപ്ത.

സത്യം പറഞ്ഞാല്‍ എന്ന ക്യാപ്ഷനോടെയാണ് നീന ഗുപ്ത വീഡിയോ പങ്കുവച്ചിരിക്കുന്നത്.”ഈ വീഡിയോ ഞാന്‍ പോസ്റ്റ് ചെയ്യാനുള്ള കാരണം എന്തെന്നാല്‍ സെക്സിയായ വസ്ത്രം ധരിക്കുന്നവരെ, ഞാന്‍ ഇപ്പോള്‍ ധരിച്ചിരിക്കുന്നത് പോലെ, ഒന്നിനും കൊളളാത്തവരായാണ് സമൂഹം കാണുന്നത്. എന്നാല്‍ അത് തെറ്റാണ്. ഞാന്‍ സംസ്‌കൃതത്തില്‍ എംഫില്‍ ചെയ്ത ആളാണ്. പിന്നേയും ഒരുപാട് നേട്ടങ്ങളുണ്ട്. അതിനാല്‍ വസ്ത്രം നോക്കി ഒരാളെ വിധിക്കരുത്. ട്രോളുണ്ടാക്കുന്നവര്‍ മനസിലാക്കിക്കോളൂ” എന്നായിരുന്നു നീന ഗുപ്ത പറഞ്ഞത്.

ഏതാനും ദിവസങ്ങള്‍ക്ക് മുമ്പ് വസ്ത്രധാരണവുമായി ബന്ധപ്പെട്ട വിമര്‍ശനങ്ങള്‍ക്ക് മറുപടിയുമായി സാമന്തയും രംഗത്തെത്തിയിരുന്നു. വസ്ത്രത്തിന്റെ അടിസ്ഥാനത്തില്‍ സ്ത്രീകളെ വിലയിരുത്തുന്നത് ഇനിയെങ്കിലും അവസാനിപ്പിക്കണമെന്നായിരുന്നു സാമന്ത കുറിച്ചത്. രണ്‍വീര്‍ സിംഗ് നായകനായി എത്തിയ 83യിലാണ് നീന ഒടുവില്‍ സ്‌ക്രീനില്‍ എത്തിയത്.

ഊഞ്ചായി, ഗുഡ്ബൈ തുടങ്ങിയ സിനിമകളാണ് നീന ഗുപ്തയുടേതായി അണിയറയിലൊരുങ്ങുന്നത്. മകള്‍ മസാബ ഗുപ്തയോടൊപ്പം അഭിനയിക്കുന്ന മസാബ മസാബ എന്ന സീരീസും നീന ചെയ്യുന്നുണ്ട് FC

About Post Author

Film Court

See author's posts